ຫ່າງ​ຈາກ​ຕົວ​ເມືອງ​ໜອງ​ແຮດ 6 ກິ​ໂລ​ແມັດ, ບ້ານ​ດັ່ງກ່າວ​ເປັນ​ບ້ານ​ຂອງ​ຊົນ​ເຜົ່າ​ມົ້ງ ທີ່​ໄດ້​ຮັບ​ການ ຮັບຮອງ​ໃຫ​້​ເປັນ​ບ້ານ​ວັດທະນະທຳ, ຊຶ່ງ​ໃນ​ເມືອກ່ອນ ປະຊາຊົນ​ໃນໝູ່​ບ້ານ​ແຫ່ງ​ນີ້ປະກອບ​ອາຊີບ ​ການ​ປູກ​ຝິ່ນ​ເປັນຕົ້ນ​ຕໍ ດ້ວຍ​ຄວາມ​ດຸ​ໝັ່ນຂອງ​ປະຊາຊົນ ​ແລະ ຄວາມ​ເອົາໃຈ​ໃສ່​ຂອງ​ການ​ນຳ ດັ່ງນັ້ນ, ມາ​ຮອດ​ປະຈຸ​ບັນ​ບ້ານ​ດັ່ງກ່າວ ​ໄດ້​ຫັນ​ອາຊີບ​ມາ​ເຮັດ​ນາ, ປູກ​ພຶດກະສິກຳ​ເປັນ​ສິນຄ້າ ມາ​ຮອດ​ປະຈຸ​ບັນ​ປະຊາຊົນ ​ໄດ້​​ເຮັດ​ໃຫ້​ຊີວິດ​ການ​ເປັນ​ຢູ່ຂອງ​ປະຊາຊົນ​ດີ​ຂຶ້ນຢ່າງ​ໄວວາ. ດັ່ງນັ້ນ, ຈຶ່ງ​ໄດ້ຮັບການ​ຮັບຮອງ​ໃຫ້​ເປັນ​ບ້ານ​ວັດທະນະທຳ​ຂອງ​ຊົນ​ເຜົ່າ​ມົ້ງ. ນອກ​ນັ້ໜບ້ານ​ດັ່ງກ່າວ​ຍັງ​ມີ​ວິຖີ​ຊີວິດ ທີ່​ເປັນ​ເອກະລັກ ​ແລະ ລຽບ​ງ່າຍ ​ຈຶ່ງ​ເໝາະ​ແກ່​ການ​ພັດທະນາ​ໃຫ້​ເປັນ​ບ້ານ​ທ່ອງ​ທ່ຽວ​ໃນ​ອະນາຄົດ.

    ຈາກ​ບ້ານ​ວັດທະນະທຳ​ແກ່ວ​ປະຕູ​ ໄປ​ທາງທິດຕາ​ເວັນ​ອອກ ປະມານ 1 ກິ​ໂລ​ແມັດຊາວ ບ້ານ​ເລົ່າ​ຂານ​ກັນ​ວ່າ​ມີ​ຮອຍມ້າບິນ ຫຼື ມ້າ​ມະນີກາບ​ຂອງ​ຍັກ​ກຸ​ມມານ ທີ່​ລົບ​ໜີ​ການ​ໄລ່​ລ່າ​ຂອງ​ສິນ​ໄຊ. ​ແຕ່​ຍ້ອນການ​ເວລາ​ທີ່ ຜ່ານ​ໄປ​ຢ່າງ​ຊ້າ​ນານ ​ແລະ ​ເປັນ​ທາງ​ທຽວ​ຂອງ​ປະຊາຊົນ ຈຶ່ງ​ເຮັດ​ໃຫ້​ທີ​ມງານ​ເບິ່ງ​ຮອຍ​ດັ່ງກ່າວ ​ບໍ​ຊັດ​ເຈນ​ປານ​ໃດ, ນອກ​ນັ້ນ ຊາວບ້ານ​ຍັງ​ເລົ່າ​ວ່າ 4-​5 ປີ​ຫຼັງ​ຮອຍ​ມ້າ​ຍັງ​ຊັດ​ເຈນ​ທີ່​ສຸດ. ​ແຕ່​ເຖິງ​ຍ່າງ​ໄດ​ກໍ​ຕາມ ບ້ານ​ແກ່ວ​ປະຕູ​ແມ່ນ​ມີ​ທ່າ​ແຮງ​ຫຼາຍ ກ່ຽວ​ກັບ​ການ​ພັດທະນາ​ກິດຈະກຳ ການທ່ອງທ່ຽວ​ເປັນຕົ້ນ​ແມ່ນ: ງານ​ບຸນ​ປະ​ເພນີ​ຂອງ​ເຜົ່າ​ມົ້ງ, ງານ​ເທດສະການ​ງົວ​ຊົນ​ງົວ ຊຶ່ງ​ອຳນາດ​ການ​ປົກຄອງ​ເມືອງ​ ຄວນ​ພັດທະນາ​ກິດ​ຈະ​ກຳ​ດັ່ງກ່າວ​ໃນ​ບ້ານ​ແຫ່ງ​ນີ້ ​ເພື່ອ​ເປີດ​ເປັນ​ບ້ານ​ທ່ອງ​ທ່ຽວ ​ແລະ ດຶງ​ດູດ​ນັກ​ທ່ອງ​ທ່ຽວ​ໃຫ້​ຫຼາຍ​ຂຶ້ນ.