ຜາບ່ອງຫ່າງ​ຕົວ​ເມືອງ​ ໂພນ​ສະຫວັນ​ 86 ກິ​ໂລ​ແມັດ ​ແລະ ຈາກ​ທາງ​ແບ່ງ​ບ້ານ​ພະ​ແຄະ ​ເຂົ້າ​ໄປ 16 ກິ​ໂລ​ແມັດ. ຜາ​ບ່ອງ​ເປັນ​ຜາ​ທຳ​ມະ​ຊາດ ທີ່​ມີ​ຮູ​ບ່ອງ​ຊອດ​ກັນ, ​ໃນຫຼາຍ​ປີຜ່ານມາ​ແລ້ວ ຫີນ​ໃນ​ຊັ້ນລາງ​ໄດ​ເກີດ​ມີ​ການ​ຍຸບ​ຕົວ ​ເຮັດ​ໃຫ້​ຜາຫີນ​ດັ່ງກ່າວ​ເກີດ​ເປັນ​ຮູ​ຊອດ​ກັນ ຊາວບ້ານ​ເລີຍ​ເອີ້ນ​ກັນ​ວ່າ: ​ຜາບ່ອງ. ບໍລິ​ເວນ​ອ້ອມ​ປາກ​ຖ້ຳ​ປະກອບ​ດ້ວຍ​ຊີວະ​ນາໆພັນທີ່ອຸດົມສົມບູນ, ດັ່ງນັ້ນຕາມ​ແນວ​ຄວາມ​ຄິດ ​ຂອງ​ວິຊາ​ການ​ແລ້ວ​ເຫັນ​ວ່າ: ຜາບ່ອງ​ສາມາດ​ເປັນ ​ແຫຼ່ງທ່ອງ​ທ່ຽວ​ໄດ້​ໃນ​ອະນາຄົດ ​ໂດຍ​ທີ່​ມີ​ການ​ພັດທະນາ​ກິດຈະກຳ​ຕ່າງໆ ​ເພື່ອ​ຮອງ​ຮັບ​ນັກ​ທ່ອງ​ທ່ຽວ.