ຕັ້ງຢູ່ທາງທິດຕາເວັນຕົກສ່ຽງໃຕ້ ຂອງຕົວເມືອງໂພນສະຫວັນປະມານ 38 ກິ​ໂລ​ແມັດ, ມີໄລຍະທາງ ຈາກເສັ້ນທາງເລກ 7 ປະມານ 7 ກິ​ໂລ​ແມັດ, ເປັນທາງດິນແດງ, ຈາກຕົວເມືອງໂພນສະຫວັນໄປຫາສະຖານທີ່ດັ່ງກ່າວໃຊ້ເວລາປະມານ 45 ນາທີ, ໃນລະດູແລ້ງ ສາມາດໄປໄດ້ຢ່າງສະບາຍ ແຕ່ໃນລະດູຝົນແມ່ນມີຄວາມຫຍຸ້ງຍາກພໍສົມຄວນ.

   ຖ້ຳແຄະເປັນແຫຼ່ງທ່ອງທ່ຽວທາງທຳມະຊາດ ແລະ ປະຫວັດສາດ, ມີເນື້ອທີ່ປະມານ 50 ເຮັກຕ່າ. ບໍລິເວນດັ່ງກ່າວມີປ່າໄມ້ທີອຸດົມສົມບູນ. ໃນຖ້ຳມີຄວາມສວຍງາມພໍສົມຄວນ ຊຶ່ງໃນສະໄໝສົງຄາມ ຖ້ຳດັ່ງກ່າວໄດ້ເປັນບ່ອນລີ້ໄພຂອງປະຊາຊົນ. ແຫຼ່ງທ່ອງທ່ຽວແຫ່ງນີ້ ໄດ້ຮັບການເປີດເປັນແຫຼ່ງທ່ອງທ່ຽວຂອງເມືອງ ໂດຍອຳນາດການປົກຄອງເມືອງ ແຕ່ເຖິງຢ່າງ​ໃດກໍ່ຕາມ ແຫຼ່ງທ່ອງທ່ຽວດັ່ງກ່າວ ກໍ່ຍັງບໍ່ທັນໄດ້ເປີດເປັນທາງການເທື່ອ