ພູກູດມີໄຊ ທົ່ງໄຫຫີນລືນາມ ສາວງາມເມືອງພວນ ເຊີນຊວນທ່ຽວຊົມແຂວງວິລະຊົນ

ແຈ້ງການ

ສະຖິຕິເຂົ້າຊົມເວັບໄຊ

111080
ມື້ນີ້
ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ທູກມື້
92
222
1092
108334
5030
5859
111080

ພູເກັງບ່ອນຜະລິດໄຫຫີນ

     ພູ​ເກັງ​ຕັ້ງຢູ່​ທາງ​ທິດຕາ​ເວັນ​ຕົກ​ສຽງ​ເໜືອ ຂອງ​ຕົວ​ເມືອງ​ໂພນ​ສະຫວັນ ປະມານ 15 ກິ​ໂລ​ແມັດ, ​ໃນ​ນັ້ນມີ​ເສັ້ນທາງ​ແດງ​ຈາກ​ທາງ​ຢາງ​ບ້ານ​ລາດ​ງ່ອນ ​ໄປ​ປະມານ 8 ກິ​ໂລ​ແມັດ. ພູ​ດັ່ງກ່າວ​ຕັ້ງຢູ່​ໃນ​ເສັ້ນ​ແວງ​ທີ່ 103° 5- 103°10ຕາ​ເວັນ​ອອກ ​ແລະ ​ເສັ້ນຂະໜານ​ທີ່ 19° 25-19° 30​ເໜືອ ມີ​ຊາຍ​ແດນ​ຕິດ​ກັບ​ສະຖານ​ທີ່ໆ​ສຳຄັນເຊັ່ນ: ທິດ​ເໜືອ​ຕິດ​ກັບ ບ້ານ​ຊັ້ງ, ທິດ​ໃຕ້​ຕິດ​ກັບ ວຽງ​ຄຳ, ທິດຕາ​ເວັນ​ອອກ​ຕິດ​ກັບ ບ້ານ ລາດ​ງ່ອນ, ທິດຕາ​ເວັນ​ຕົກ​ຕິດ​ກັບ ບ້ານ​ຈ້າແລະ ທິດຕາ​ເວັນ​ອອກ​ສ່ຽງ​​ໃຕ້​ຕິດ​ກັບ ທົ່ງ​ໄຫ​ຫີນ1

Pukeng

 

Pukeng2

     ໂດຍ​ອີງ​ໃສ່​ການ​ເລົ່າ​ຈາກ​ປາກ​ຕໍ່ປາກ ​ຂອງ​ເຖົ້າ​ແກ່​ແນວ​ໂຮມ​ແລ້ວ​ເຫັນ​ວ່າ: ​ໃນ​ຊ່ວ​ງ ຄ.ສ 1351 ຂຸນ​ເຈືອງ​ໄດ້​ປົກຄອງ​ເມືອງ​ປະກັນ ຫຼື ​ເມືອງ​ພວນ ​ໃນ​ຊ່ວງ​ໄລຍະ​ດັ່ງກ່າວ​​ ໄດ້ມີ​ການ​ແຜ່​ອຳນາດ​ໃນ​ການ​ປົກຄອງ ແລະ ພໍ​ເມື່ອ​ຕໍ່ສູ້​ສັດຕູ​ໄດ້​ຮັບ​ໄຊ​ຊະນະ​ຢູ່​ບ່ອນ​ໃດ ​ກໍ່​ມີ​ການ​ສະຫຼອງກັນ​ທຸກ​ເທື່ອ ດັ່ງນັ້ນຂຸນ​ເຈືອງ​ຈຶ່ງ​ໄດ້​ໃຫ້​ເສນາ​ອາມາດ ​ມາ​ສ້າງ​ໄຫຫີນ​ຢູ່ພູ​ເກັງ​ແຫ່ງ​ນີ້​ເພື່ອ​ໄປ​ໃສ່​ເຫຼົ້າ. ​ເຫດຜົນ​​ດັ່ງກ່າວ​ກໍ່​ເນື່ອງ​ຈາກ​ວ່າ: ພູ​ເກັງ​ເປັນ​ພູ​ທີ່​ມີ​ຫີນ​ຫຼາຍ,   ຊຶ່ງ​ໃນ​ການ​ສ້າງ​ນັ້ນ​ແມ່ນ​ໃຊ້​ໂລຫະເຈາະ ​ແລະ ຖາກ​ໄຫ​ໃຫ້​ເປັນ​ຮູບ​ກົມ​ແລ້ວ​ກໍ່​ເອົາ​ໄປ​ໃສ່​ນ້ຳ​ເບິ່ງ ຖ້າ​ຫາກ​ໄຫ​ໃດ​ນ້ຳ​ຮົ່ວ​ແມ່ນ​ຈະ​ບໍ່​ເອົາ ​ແລະ ປະຖິ້ມ​ໄວ້​ບ່ອນ​ເກົ່າ. ​ແຕ່​ຕາມ​ການ​ນຳ​ໃຊ້​ເຄື່ອງມື​ວິທະຍາສາດ ທີ່​ກ້າວໜ້າ​ຂອງ​ນັກວິທະຍາສາດ​ໂລກ​ປະຈຸ​ບັນ ​ເພື່ອ​ວັດ​ແທກ​ຮ່ອງຮອຍ​ສັບ​ເຈາະ​ຫີນ​ຢູ່​ໄຫ​ຫີນ​ໄດ້​ໃຫ້​ຂໍ້ສະຫຼຸບວ່າ: ​ໄຫ​ຫີນ​ມີ​ອາຍຸ​ປະມານ 2500-3000 ປີ. ສະນັ້ນຈຶ່ງ​ເປັນ​ຄຳ​ຕອບ​ທີ່​ປິດສະໜາ​ຢູ່

ແຜນທີ່ແຂວງຊຽງຂວາງ