ພູກູດມີໄຊ ທົ່ງໄຫຫີນລືນາມ ສາວງາມເມືອງພວນ ເຊີນຊວນທ່ຽວຊົມແຂວງວິລະຊົນ

ແຈ້ງການ

ສະຖິຕິເຂົ້າຊົມເວັບໄຊ

127636
ມື້ນີ້
ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ທູກມື້
68
109
329
126604
2179
13004
127636

ໜອງຕັ່ງ

    ຕັ້ງຢູ່ແຄມເສັ້ນທາງເລກທີ່ 7 ຫ່າງຈາກຕົວເມືອງ ໂພນສະຫວັນໄປທາງທິດ ຕາເວັນຕົກປະມານ 49 ກິໂລແມັດ, ໂດຍໃຊ້ເວລາປະມານ 1 ຊົວໂມງ, ໜອງຕັ່ງເປັນສະຖານທີ່ທ່ອງທ່ຽວທາງ ດ້ານທຳມະຊາດທີ່ມີຄວາມສວຍງາມ. ຂົງເຂດຂອງໜອງທ່ານສາມາດພົບເຫັນການດຳລົງຊີວິດຂອງປະຊາຊົນ. ລຽບຕາມແຄມໜອງຕັ່ງມີໜ້າຜາທີ່ສວຍງາມ

NongTang

     NongTang1

    ນອກຈາກຄວາມສວຍງາມທາງທຳມະຊາດແລ້ວ ໜອງຕັ່ງຍັງມີປະຫວັດທີ່ລືຊື່ ປະຊາຊົນເລົ່າສືບຕໍກັນມາດັ່ງນີ້:

 

ໃນເມື່ອກ່ອນ ໜອງຢອນເປັນໝູ່ບ້ານຂອງປະຊາຊົນ ບ້ານໜຶ່ງຊຶ່ງມີຫຼວງໂຍທາ ເປັນຜູ້ນຳໃນບ້ານດັ່ງກ່າວ, ຫຼວງໂຍທາມີລູກສາວຫຼ້າຜູ້ໜຶ່ງຊື່ ນາງບໍດິນ, ຢູ່ມາມື້ໜຶ່ງມີຟານ ດ່ອນເຂົ້າບ້ານດັ່ງກ່າວ, ຫຼວງໂຍທາ ໄດ້ສັ່ງໃຫ້ຊາວບ້ານຕີເອົາຟານຊາວບ້ານໄດ້ໄລ່ຟານ ໄປມາບໍ່ພໍຄາວຟານກໍ່ໄປຄາລົກໄກ່

 

ຂອງຫຼວງໂຍທາ, ຊາວບ້ານຈຶ່ງຈັບເອົາມາຄົວປັນກັນ ກິນຈົນທົ່ວບ້ານ. ຍັງເຮືອນແມ່ໝ້າຍຊື່ ຍ່າໂກສີ ຜູ້ທີ່ທຸກຍາກນັ້ນບໍ່ໄດ້ກິນ, ຍ້ອນຄວາມສົງສານຂອງຊາວບ້ານຈຶ່ງໄດ້ນຳເອົາແຕ່ ກະດູກຟານໄປແຂວນໄວ້ເສົາຊານຂອງຍ່າໂກສີ, ຍ່າໂກສີເສຍໃຈຫຼາຍທີ່ຊາວບ້ານເຮັດແນວນັ້ນເລີຍບໍ່ກິນຊີ້ນຟານດັ່ງກ່າວ.

 

ຕົກມາຮອດຕອນແລງ ຂອງມື້ດັ່ງກ່າວ ພົມມະລິນຊຶ່ງເປັນບ່າວຊ່າວບ້ານນານ ໄດ້ມາລົມສາວບໍດິນລູກຂອງຫຼວງໂຍທາ, ຄູ່ບ່າວສາວໄດ້ລົມ ກັນຢ່າງເຂົ້າໃຈຈົນຮອດເວລາ 2:30 ໂມງ ນາງບໍດິນໄດ້ເອົາແຫວນຂອງຕົນຈຳພົມມະລິນ ໃນຂະນະທີ່ພົມມະລິນເອົາແຫວນໃສ່ມືຂອງຕົນນັ້ນ ກໍ່ເຫັນນ້ຳ ແລະ ຂອນໄມ້ໄຫຼມາຖ້ວມຕີນມ້າຂອງຕົນ, ພົມມະລິນເລີຍຖາມວ່າ:     

 

- ແມ່ນໃຜຈະແປງເຮືອນ ຄືວ່າເອົາເສົາມາຫຼາຍແທ້?

 

- ສາວບໍດິນ ຕອບວ່າ: ບໍ່ມີໃຜດອກ

 

ພົມມະລິນ ສັງເກດຢູ່ບຶດໜຶ່ງ ນ້ຳຍິ່ງສູງຂຶ້ນ ເມື່ອເຫັນວ່າສະຖານະການບໍສົມມາພາຄວນລາວກໍ່ເລີຍ ໂດດຂີ່ມ້າ ເພື່ອໜີຈາກບ້ານດັ່ງກ່າວ ພ້ອມທັງກ່າວວ່າ:   

 

- ນ້ຳຈະຖ້ວມບ້ານນ້ອງແລ້ວ!

 

ສາວບໍດີ ເລີຍໂດດໃສ່ຫຼັງມ້ານຳພົມມະລິນເພື່ອໜີຈາກບ້ານດັ່ງກ່າວ ພໍມ້າຂອງພົມມະລິນຫວິດບ້ານ, ບ້ານດັ່ງກ່າວກໍ່ຫຼົ່ມກາຍເປັໜອງນ້ຳທັງໝົດ ຍັງເຫຼືອແຕ່ເຮືອນແມ່ໝາຍຍ່າໂກສີ. ສ່ວນມ້າຂອງ ພົມມະລິນ ໄປຮອດໃສດິນກໍ່ຫຼົມເປັນນ້ຳຕາມໄປ ດັ່ງນັ້ນພົມມະລິນຈຶ່ງຕັດສິນໃຈຊຸກນາງບໍດີລົງຈາກມ້າ ເມື່ອນາງບໍດີຕົກຈາກມ້າແລ້ວ ດິນກໍ່ຍັງຫຼົ່ມເປັນນ້ຳຢູ່ ພົມມະລິນ ຈຶ່ງປົດແຫວນທີ່ນາງບໍດີເອົາ ໃຫ້ຖິ້ມເຫດການດັ່ງກ່າວຈຶ່ງດີຂຶ້ນ ແລະ ໄປເຖິງບັານນານູ. ເມື່ອບ້ານຢອນໄດ້ຫຼົ່ມເປັນໜອງຢອນ ແລ້ວເປັດຂອງປະຊາຊົນ ໄດ້ໄປຊອດໜອງເປັດໃນປະຈຸບັນ, ແມວໄປຊອດໜອງແມວ ແລະ ຕັ່ງກໍ່ໄປຊອດໜອງຕັ່ງ ດັ່ງນັ້ນຈຶ່ງໃສ່ຊື່: ໜອງຕັ່ງເຖິງທຸກວັນນີ້.

 

ແຜນທີ່ແຂວງຊຽງຂວາງ