ພູກູດມີໄຊ ທົ່ງໄຫຫີນລືນາມ ສາວງາມເມືອງພວນ ເຊີນຊວນທ່ຽວຊົມແຂວງວິລະຊົນ

ແຈ້ງການ

ສະຖິຕິເຂົ້າຊົມເວັບໄຊ

111130
ມື້ນີ້
ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ທູກມື້
142
222
1142
108334
5080
5859
111130

ເມືອງພູກູດ

ເມືອງພູກູດ

 1.  ປະຫວັດຄວາມເປັນມາຂອງເມືອງພູກູດ

          ເມືອງພູກູດຕັ້ງຢູ່ທິດຕາເວັນຕົກສຽງເໜືອ ຂອງແຂວງຊຽງຂວາງ ຫ່າງຈາກເທດສະບານແຂວງ 25 Km, ມີສາຍແດນຕິດຈອດກັບບັນດາເມືອງ ທິດເໜືອຕິດກັບເມືອງຮ້ຽມແຂວງຫົວພັນແລະເມືອງໂພນໄຊແຂວງຫລວງພະບາງ, ທິດໃຕ້ຕິດກັບເມືອງ ຜ່າໄຊແຂວງຊຽງຂວງ, ທິດຕາເວັນອອກຕິດກັບ​ ​ເມືອງຄຳແລະເມືອງແປກ, ທິດຕາເວັນຕົກຕິດກັບເມືອງ ພູຄູນແຂວງຫຼວງພະບາງ, ມີເສັ້ນທາງຫຼວງແຫ່ງຊາດເລກ 7 ຜ່ານ 76 Km.

          ຈຸດພິເສດຂອງເມືອງພູກູດກ່ອນປີ 1985 ​ແມ່ນດິນດອນຕ່ອນຫຍ້າຂອງເມືອງແປກວິລະຊົນທັງເປັນພື້ນທີ່ຍຸດທະສາດທາງດ້ານການທະຫານໃນປາງສົງຄາມ ຈັກກະພັດ​ອາ​ເມ​ລິ​ກາ​ໄດ້​ສ້າງ​ເປັນ​ເຮືອນ​ຮັງ​ກຳລັງ​ພິ​ເສດ​ຂອງ​ຫວ່າງ​ປາວ​ແຕ່​ປີ 1957 ມີ​ຫຼາຍ​ຈຸດ​ທີ່​ເປັນ​ປົດ​ຄ້າຍ​ເພື່ອ​ສູ້​ຢັນ​ກັບ​ການ​ປະຕິວັດ​ເຊັ່ນວ່າ: ​ພູລາດໃຕ້, ພູແຖນ, ບວມຫຼົງ, ພູເດຍນ້ອຍ, ພູຜ່າແຕກ, ພູວຽງ, ຜ່າສີພູ, ພູກຸ້ມ, ພູສະງາວ, ພັກກຶດແກ່ວບານ, ພູຟ້ານ້ອຍ, ພູຟ້າໃຫ່ຍ, ໜອງຕັ່ງ, ນ້ຳຊອງ, ພູກູດຈອມເຫຼັກແລະ ພູອື່ນໆ.   ຕະຫຼອດໄລຍະສົ່ງຄາມນັ້ນໄດ້ປະກາດເປັນເຂດປະຕິບັດງານຢູ່ທິດ     ເໜືອຂອງໂພນສະຫັວນ ຕາມມະຕິຕົກລົງຂອງຄະນະປະຈຳພັກແຂວງສະບັບເລກທີ 211 ລົງວັນທີ 7/10/1985 ​ຄະນະ​ປະຈຳ​ພັກ​ແຂວງ​ເຊັນ ​ແລະ ປະ​ທັບ​ຕາ ທ່ານ ​ຄຳ​ສວນ ພົມມະ​ວີ ຕົກລົງ​ແຕ່ງ​ຕັ້ງ​ເອົາ​ບັນດາ​ສະຫາຍ​ເປັນ​ຄະນະ​ເຂດ​ປະຕິບັດ​ງານ​ມີ​ລາຍ​ຊື່​ດັ່ງ​ນີ້:

1.    ສະຫາຍ ຄຳ​ແສງ ດວງ​ມາລາ​ ເປັນ​ເລຂາ​ພັກ ​ເປັນ​ຫົວໜ້າ​ເຂດ​ປະຕິບັດ​ງານ.

2.    ສະຫາຍ ຄຳ​ປານ ນັນທະ​ວົງ ​ເປັນ​ຮອງ​ເລຂາ ຮອງ​ຫົວໜ້າ​ເຂດ​ປະຕິບັດ​ງານ.

3.    ສະຫາຍ ພົມມາ ​ເປັນ​ຄະນະ.

4.    ສະຫາຍ ນັນທາ ​ເປັນ​ຄະນະ.

5.    ສະຫາຍ ຕົ່ງ​ເຢ້ ​ເປັນ​ຄະນະ.

6.    ສະຫາຍ ຄຳ​ປ່ຽນ ສີນ​ວນທອງ ​ເປັນ​ຄະນະ.

7.    ສະຫາຍ ທິດ​ແສງ ທຳ​ມະ​ວົງ ​ເປັນ​ຄະນະ.

​ເຂດ​ປະຕິບັດ​ງານ​ດັ່ງກ່າວ​ມີ​ຖານະ​ທຽບ​ເທົ່າ​ກັບ​ເມືອງ​ໜື່ງ ​ແຂວງ​ໄດ້​ແບ່ງ​ເອົາ​ດິນ​ດອນ​ຕອນ​ຫຍ້າ​ຂອງ​ເມືອງ​ແປກ​ໃຫ້​ເຂດ​ປະຕິບັດ​ງານ​ມີ​ເນື້ອ​ທີ 3096 ກິ​ໂລ​ຕາ​ແມັດ​ປະກອບ​ມີ 7 ຕາ​ແສງ​ເຊັ່ນ: ຕາ​ແສງ​ຊຽງ​ແດດ, ຕາ​ແສງ​ສູຍ, ຕາ​ແສງ​ອ່າງ, ຕາ​ແສງ​ເຄິງ, ຕາ​ແສງ​ລ້ອງ​ຮາງ, ຕາ​ແສງ​ທ້າຍ, ຕາ​ແສງ​ລ້ອງ​ຄານ, ມີ 61 ບ້ານ, ມີ 2.263 ຄອບຄົວ, ມີ​ພົນລະ​ເມືອງ 15.964 ຄົນ, ຍິງ 6.624 ຄົນ, ມີ​ພະນັກງານ​ປະຈຳ​ເຂດ​ປະຕິບັດ​ງານ 16 ຄົນ, ຍິງ 4 ຄົນ. ໄລຍະຕໍ່​ມານັ້ນໄດ້ເອົາໃຈໃສ່ປັບປຸງອຳນາດການປົກຄອງ, ປັບປຸງກຳລັງກອງຫຼອນ, ທາງດ້ານການຈັດຕັ້ງແລະ ຍຸດທະວິທີສູ້ລົບໃຫ້ໜັກແໜ້ນເຂັ້ມແຂງເພື່ອກະກຽມປະກາດການສ້າງຕັ້ງໃຫ້ເປັນເມືອງໜື່ງ.

          ມາຮອດວັນທີ 28/12/1988 ​ໄດ້ເປີດພິທີປະກາດສ້າງຕັ້ງເປັນເມືອງພູກູດຂື້ນຢ່າງເປັນທາງການຕາມມະຕິຕົກລົງຂອງຄະນະປະຈຳພັກແຂວງຊຽງຂວາງ ສະບັບເລກທີ 156/ຄປພຂ ລົງວັນທີ 25/12/1988 ​ເຊັນແລະ ປະທັບຕາ ທ່ານອຸດົມຂັດທິຍະ ພ້ອມທັງແຕ່ງຕັ້ງສະຫາຍ ຄຳແສງ ດວງມາເປັນເລຂາພັກເມືອງ-ເຈົ້າເມືອງໆພູກູດ.

          ມາຮອດວັນທີ 27/11/1997 ກອງປະຊຸມໃຫ່ຍຄັ້ງທີ່ II ​ໄດ້ໄຂຂື້ນຢ່າງເປັນທາງການ ຜູ້ແທນກອງປະຊຸມໄດ້ປ່ອນບັດຄັດເລືອກເອົາ ສະຫາຍ ຄຳປານນັນທະວົງເປັນເລຂາພັກເມືອງເປັນເຈົ້າເມືອງ-​ເມືອງພູກູດ.

          ມາຮອດວັນທີ 06/03/2004 ກອງປະຊຸມໃຫ່ຍຄັ້ງທີ່ III ​ໄດ້ໄຂຂື້ນຢ່າງເປັນທາງການ ຜູ້ແທນກອງປະຊຸມໄດ້ປ່ອນບັດຄັດເລືອກເອົາ ສະຫາຍ ດຳດີນັນທະວົງເປັນເລຂາພັກເມືອງເປັນເຈົ້າເມືອງ-​ເມືອງພູກູດ.

          ມາຮອດວັນທີ 31/07/2006 ​ໄດ້ມີການຊັບປ່ຽນເລຂາພັກເມືອງ, ​ເຈົ້າເມືອງ-​ເມືອງພູກູດ​ ​ໂດຍແມ່ນທ່ານ ວັນທອງ ຈັນທະວົງເປັນເລຂາພັກເມືອງ-​ເຈົ້າເມືອງ-​ເມືອງພູກູດ.

ມາຮອດວັນທີ 29-30/12/2009 ກອງປະຊຸມໃຫ່ຍຄັ້ງທີ່ IV ​ໄດ້ໄຂຂື້ນຢ່າງເປັນທາງການ ຜູ້ແທນກອງປະຊຸມໄດ້ປ່ອນບັດຄັດເລືອກເອົາ ສະຫາຍ ວັນທອງ ຈັນທະວົງເປັນເລຂາພັກເມືອງເປັນເຈົ້າເມືອງ-​ເມືອງພູກູດ.

ມາຮອດວັນທີ 8-9/07/2014 ກອງປະຊຸມໃຫ່ຍຄັ້ງທີ່ V ​ໄດ້ໄຂຂື້ນຢ່າງເປັນທາງການ ຜູ້ແທນກອງປະຊຸມໄດ້ປ່ອນບັດຄັດເລືອກເອົາ ສະຫາຍ ຄຳພອນ ອຸດົມສຸກເປັນເລຂາພັກເມືອງເປັນເຈົ້າເມືອງ-​ເມືອງພູກູດ ຈົນມາເຖິງປະຈຸບັນ.

2.  ທີ່ຕັ້ງພູມສັນຖານຂອງເມືອງ.

-    ເມືອງພູກູດ ມີເນື້ອທີ່ 3.096 ກິໂລຕາແມັດ, ໃນນັ້ນມີເນື້ອທີ່ນາ ​ 2.743 ເຮັກຕ່າ, ມີ 3 ຈຸມສຸມພັດທະນາ, ມີ 44 ບ້ານ, ມີ 4.756 ຄອບຄົວ; ມີພົນລະເມືອງທັງໝົດ 26,635  ຄົນ, ຍິງ 13,046 ຄົນ.

-    ມີ 3 ຊົນເຜົ່າໃຫຍ່ຄື: ເຜົ່າລາວລຸ່ມມີ 16.740 ຄົນ, ຍິງ 8.331 ຄົນ, ເຜົ່າມົ້ງມີ 4.988 ຄົນ, ຍິງ 2.405 ຄົນ, ເຜົ່າກຶມມຸມີ 4.907 ຄົນ, ຍິງ 2.328 ຄົນ.

-    ທິດເໜືອຕິດກັບ ເມືອງຮ້ຽມ ແຂວງຫົວພັນ, ເມືອງໂພນໄຊ ແຂວງຫຼວງພະບາງ, ເມືອງຄຳ ແຂວງຊຽງຂວາງ.

-    ທິດໃຕ້ຕິດກັບ ເມືອງຜາໄຊ ແຂວງຊຽງຂວາງ.

-    ທິດຕາເວັນອອກຕິດກັບ ເມືອງແປກ ແຂວງຊຽງຂວາງ.

-    ທິດຕາເວັນຕົກຕິດກັບ ເມືອງພູຄູນ ແຂວງຫຼວງພະບາງ.

-    ຫ່າງຈາກເທດສະສານແຂວງ 25 ກິໂລແມດ.

ແຜນທີ່ແຂວງຊຽງຂວາງ