ພູກູດມີໄຊ ທົ່ງໄຫຫີນລືນາມ ສາວງາມເມືອງພວນ ເຊີນຊວນທ່ຽວຊົມແຂວງວິລະຊົນ

ແຈ້ງການ

ສະຖິຕິເຂົ້າຊົມເວັບໄຊ

127665
ມື້ນີ້
ວານນີ້
ອາທິດນີ້
ອາທິດກ່ອນ
ເດືອນນີ້
ເດືອນກ່ອນ
ທູກມື້
97
109
358
126604
2208
13004
127665

ເມືອງຄູນ

ເມືອງຄູນ

 1.  ປະຫວັດຄວາມເປັນມາຂອງເມືອງຄູນແຂວງຊຽງຂວາງ

 ໃນປີ ພສ 543 ຄສ 01 ຂຸນເຈືອງໄດ້ສະເຫວີຍລາຊະສົມບັດປົກຄອງເມືອງພວນ (​ເມືອງຄູນ​​ໃນປະຈຸບັນ) ​ເຊິ່ງສ່ວນ​ໃຫຍ່ໄດ້ນັບຖືສາສະໜາພຸດແລະໄດ້ຖືເອົາສິ່ງລໍເປັນສິ່ງປະຈຳເຜົ່າ ຍ້ອນວ່າພະອໍລະຫັນໄດ້ນຳເອົາຝຸ່ນຂອງພະເຈົ້າມາຈາກປະເທດອິນເດຍມາສະດິດສະຖານໄວ້ຢູ່ພູທາດຝຸ່ນ ເພື່ອເປັນບ່ອນເຄົາລົບບູຊາຂອງກະສັດແລະ ຊາວພວນ. ຂຸນເຈືອງຂຶ້ນປົກຄອງເມືອງຄູນອາຍຸໄດ້ 77 ປີ ພສ 544 ຄສ 02 ກໍ່ໄດ້ສະຫວັນນາຄົດ. ຫຼັງຈາກຂຸນເຈືອງສະຫວັນນາຄົດ​​ແລ້ວໄດ້ມີຫຼາຍກະສັດຂື້ນປົກຄອງເມືອງພວນດ້ວຍຄວາມຈະເລີນຮຸ່ງເຮືອງແຕກຕ່າງກັນ. ຈົນມາຮອດປີ ພສ 1915 ຄສ 1352 ​ເຈົ້າລ້ານກອງຄຳຂຶ້ນຄອງລາຊະສົມບັດ, ​ໃນສະໄໝນັ້ນເຈົ້າຟ້າງຸ່ມຂຶ້ນຄອງນະຄອນຊຽງທອງພະອົງໄດ້ນຳເອົາພະພຸດທະຮູບທອງອົງໜຶ່ງມາແຕ່ເມືອງຫົງສາວະດີປະເທດພະມ້າໃສ່ແຍ່ງຊ້າງພໍມາຮອດເມືອງພວນສົບນ້ຳໂຮມບ້ານເພຍວັດ ຊ້າງໄດ້ນອນຂວາງໃນທີ່ນັ້ນຈຶ່ງໄດ້ພາກັນຄູນດີນຂຶ້ນເປັນແທ່ນແລະ ສ້າງຕັ້ງວັດເພຍວັດຂຶ້ນໃສ່ບ່ອນຊ້າງນອນ​, ມາຈາກເຫດການດັ່ງກ່າວແລະ ມີພະເຈົ້າຄູນເມືອງຈຶ່ງເອີ້ນວ່າ: ​ເມືອງຄູນ. ຊາວພວນຈິ່ງໄດ້ອຸດທາພິເສກເຈົ້າລ້ານຄຳກອງ ທີ່ວັດບຸນກອງໃນນາມເມືອງວ່າ: ​ເມືອງຄູນມາເຖິງປະຈຸບັນນີ້. ມາຮອດຊ່ວງໄລຍະການຕໍ່ສູ້ກູ້ຊາດຕ້ານກັບພວກສັກດີນາແລະ ພວກຈັກກະພັດຕ່າງດ້າວອື່ນໆຈົນໄດ້ຮັບໄຊຊະນະເປັນກ້າວໆມາ. ພາຍຫຼັງປະເທດຊາດໄດ້ຮັບການປົດປ່ອຍເມືອງຄູນໄດ້ມີບັນດາທ່ານປົກຄອງດັ່ງນີ້:

 1.    ປີ 1979-1984 ທ່ານໄຊວ່າງ ຈັ້ງວັງເສີດເປັນເຈົ້າເມືອງ.

 2.    ປີ 1984-1989 ທ່ານ ທອງສີ ພິລາວົງເປັນເຈົ້າເມືອງ.

 3.    ປີ 1989-1994 ທ່ານ ຄຳແຫວນ ສໍສຳພັນໄຊເປັນເຈົ້າເມືອງ.

 4.    ປິ 1994-2004 ທ່ານ ບຸນມີ ສີວົງຄຳ​ ​ເປັນເຈົ້າເມືອງ.

 5.    ປີ 2004-2006 ທ່ານ ດຣ ຄຳປາວ ມົວເປັນເຈົ້າເມືອງ.

 6.    ປີ 2006-2009 ທ່ານ ຄຳຜົງ ວິໄລສຸກເປັນເຈົ້າເມືອງ.

 7.    ປີ 2010 ປະຈຸບັນທ່ານ ພອນມາລາ ວັນນາຮັດ ເປັນເຈົ້າເມືອງ.

 2.  ທີ່ຕັ້ງ, ພູມສັນຖານຂອງເມືອງຄູນ.

 ເມືອງຄູນເປັນເມືອງທີ່ເກົ່າແກ່ທາງດ້ານປະຫວັດສາດ, ​ເປັນທີ່ຕັ້ງຂອງສຳນັກງານປົກຄອງແຂວງຊຽງຂວາງໃນເມື່ອກ່ອນຕັ້ງຢູ່ທິດຕາເວັນອອກສຽງໃຕ້ຢູ່ລະຫວ່າງເສັ້ນຂະນານທີ 19 ອົງສາ 20 ລິບດາ 17 ວິລິບດາເໜືອແລະເສັ້ນແວງທີ 103 ອົງສາ 27 ລິບດາຕາເວັນອອກ, ​ເປັນເມືອງພູພຽງແລະ ພູດອຍກວມເອົາ 2/​3 ຂອງເນື້ອທີ່ທັງໝົດ. ລະດັບສູງ 1.090,071  ​ແມັດ ທຽບຈາກລະດັບໜ້ານ້ຳທະເລ.

 -      ມີເນື້ອທີ່ທັງໝົດ 204.806,71 ​ເຮັກຕ່າ, ​ໃນນັ້ນມີເໜືອທີ່ນາ 2.791,7 ​ເຮັກຕ່າ.

 -      ມີ 77 ບ້ານ, ມີ 5.803 ຫຼັງຄາເຮືອນ, ມີ 6.121 ຄອບຄົວ, ມີພົນລະເມືອງທັງໝົດ 34.863 ຄົນ, ຍິງ 16.923 ຄົນ. (ສະຖິຕິປີ 2015)

 -      ມີ 3 ຊົນເຜົ່າໃຫຍ່ຄື: ຊົນເຜົ່າລາວລຸ່ມ ມີ 13.073 ຄົນ, ມີຍິງ 6.445 ຄົນ; ຊົນເຜົ່າມົ້ງມີ 2.298 ຄົນ, ມີຍິງ 9.793 ຄົນ; ຊົນເຜົ່າກຶມມຸ ມີ 1.492 ຄົນ, ຍິງ 685 ຄົນ.

 -      ທິດເໜືອຕິດກັບເມືອງແປກ, ​ເມືອງຄຳແລະເມືອງໜອງແຮດ ຍາວ 83,71 ກິໂລແມັດ.

 -      ທິດໃຕ້ຕິດກັບເມືອງທ່າໂທມແຂວງໄຊສົມບູນຍາວ 54,8 ກິໂລແມັດ.

 -      ທິດຕາເວັນອອກຕິດກັບເມືອງໝອກ ຍາວ 39,65 ກິໂລແມັດ.

       

ແຜນທີ່ແຂວງຊຽງຂວາງ